灶披間 | 牽記一只油墩子
2020年1月10日星期五
牽
記
一
只
油
墩
子
沈一珠丨《 牽記一只油墩子》
春夏秋冬走過，
酸甜苦辣嘗遍；
總有一種味道，
讓人常常牽記。
老早仔，一到西北風(fēng)勒弄堂里竄來竄去辰光，下半天三四點(diǎn)鐘，鳳陽路上，迭只弄堂口一只油墩子攤頭就擺出來了。迭條弄堂蠻闊，朝南，走過幾排石庫門房子，可以穿到南京西路；朝北，穿出一片石庫門房子，就是北京西路。弄堂一頭是只幼兒園，一頭是南京路電視臺(tái)，還有一條賣牛仔褲的青海路。所以，人來人往，斜氣鬧猛。
炸油墩子的，阿婆多一眼，家什裝備儕差勿多，一只小矮凳，一只煤球爐，一只鐵鑊子，跟普通屋里用的勿一樣的，迭只鐵鑊子上多一只鐵絲網(wǎng)架子，瀝油的。腳跟頭就是一面盆蘿卜絲搭仔一面盆調(diào)得薄溏溏里的面糊。
有一只長柄的勺子，勺子是白鐵皮做的，橢圓型，底比口稍許小一眼，大約模二、三公分深。做的辰光，先舀一勺子面糊進(jìn)去，襯底；再松松的堆一層蘿卜絲勒上頭，再淋一勺子面糊上去，封牢，連勺子一道擺進(jìn)油鑊子里炸。柄上端有彎頭，可以勾了鐵鑊子沿口，然后，阿婆可以騰出手來做下頭一只。等油墩子表面炸成金黃色，鐵勺子一翻，油墩子從勺子里落到油里再炸，用筷子勒油鑊子里翻一歇，看上去脆了，就搛到鐵絲網(wǎng)哴上瀝油，也是冷一冷，否則，就算用紙頭墊好，也根本嘸么辦法捏上去。
長遠(yuǎn)嘸么喫了，有點(diǎn)牽記。前兩天，到七寶老街去白相辰光，就碰著一只油墩子攤頭，5元洋鈿一只，比從前矩交關(guān)。問伊，阿好等一只剛剛從油鑊子里拎出來的？小姑娘虎起仔面孔，講，儕是剛炸出來的，一邊順手從架子上晾著的油墩子里搛仔一只。
手捏上去是勿大燙了，咬一口，倒是熱烘烘的，正好，味道也正正好，是從前的樣子。想想，小姑娘脾氣是大著一眼，生活倒是勿推板。
滬語注釋
長遠(yuǎn)：很久。
矩：貴。
推板：差。
Hash:05f371d0dea46b758e29c5618688c6e811a68664
聲明：此文由 畫白相 分享發(fā)布，并不意味本站贊同其觀點(diǎn)，文章內(nèi)容僅供參考。此文如侵犯到您的合法權(quán)益，請(qǐng)聯(lián)系我們 kefu@qqx.com